A Xunta de Galicia a través da Axencia Galega para o Desenvolvemento Rural (AGADER) publicará no DOG do 29 de xaneiro de 2025 unha nova convocatoria de axudas dirixida á AMPLIACIÓN E MODERNIZACIÓN DE PEQUENAS EMPRESAS QUE DESENVOLVEN ACTIVIDADES NON AGRARIAS NO MEDIO RURAL.

O prazo de presentación de solicitudes será de 1 mes dende a data da publicación. 

A convocatoria será moi similar á publicada no ano 2023: https://www.xunta.gal/dog/Publicados/2023/20230130/AnuncioO90-301222-0003_es.pdf

A concesión de axudas será en concorrencia competitiva e os promotores en ningún caso poderán ter iniciados os investimentos antes da data da solicitude de axuda.

Beneficiarios: 1.- As microempresas e pequenas empresas ubicadas en zona rural.  2.- Persoas físicas que residan nunha zona rural.

Proxectos Subvencionables: Os proxectos deben ter un orzamento elixible superior a 20.000 € e inferior a 250.000 €. No caso de proxectos promovidos no sector da artesanía, os límites anteriores quedan establecidos en 5.000 € e 100.000 € respectivamente.

Adquisición de bens de equipo co obxectivo de mellorar, ampliar e/ou modernizar pequenas empresas que desenvolven actividades produtivas non agrarias nos seguintes sectores e ámbitos de actividade:

1º) Industrias, fábricas e locais destinados á produción de bens e materiais. Non obstante o anterior, os investimentos relacionados coa utilización da madeira como materia prima ou fonte de enerxía limitaranse ás operacións de segunda transformación.

2º) Transformación e/ou comercialización de produtos agrarios. Non obstante o anterior, para este sector de actividade excluiranse aqueles proxectos cun orzamento elixible superior a 100.000 €. 

3º) Prestación de servizos en calquera sector económico, con exclusión das empresas de servizos agrícolas e forestais, e das empresas de servizos enerxéticos, así como das empresas que presten servicios nos sectores de hotelería (incluíndo todo tipo de empresas de aloxamento turístico), hostalería e restauración.

4º) Prestación de servizos sociais (garderías, coidado de anciáns, de persoas con discapacidade,  granxas-escola...).

5º) Actividades de ocio, recreativas e deportivas

6º) Artesanía e actividades artesanais.

7º) Actividades nos sectores da enxeñaría, arquitectura, servizos técnicos, limpeza industrial e veterinaria.

8º) Comercio polo miúdo.

Gastos Subvencionables

Con carácter xeral, será subvencionable a compra de maquinaria e equipamentos novos afectos á actividade empresarial, e que sexan necesarios para desenvolvemento da actividade produtiva da empresa.

Importe da Axuda: 45% dos gastos subvencionables

EXPOSICIÓN PÚBLICA DO INVENTARIOS DE BENS MUNICIPAIS.

Periodo de consulta e alegacións: Até o 30/09/2024

ENLACE WEB: 

https://www.arcgis.com/apps/dashboards/94f576ea8e37461d995d3c2602e430f7

Recadación en período voluntario de débedas tributarias de vencemento periódico.

De conformidade co establecido nos artigos 24 e 25 do Regulamento xeral de recadación, aprobado por Real decreto 939/2005, do 29 de xullo, comunícase que o prazo de ingreso en período voluntario dos impostos, exercicio de 2024, que se relacionan, empezará a contar o día 16/09/2024 e finalizará o día 18/11/2024, ambos os dous incluídos.

- Imposto sobre Bens Inmobles de natureza urbana. rústica e características especiais 

- Imposto sobre Actividades Económicas

O ingreso das débedas realizarase en calquera oficina da Entidade ABANCA, "La Caixa" - Caixabank SA, Banco Bilbao Vizcaya Argentaria S. A. (BBVA), Banco Sabadell S.A. e Caixa Rural Galega S.C.C.L.G en días laborables, de luns a venres, de 08:30 a 14:00 h, na que se presentará o documento de ingreso que se envía, por correo, aos domicilios dos contribuíntes. As persoas que non reciban ou extravíen o documento de ingreso, poderán solicitar un novo na oficina da entidade bancaria e realizarán, igualmente, o pagamento . O ingreso poderá realizarse por calquera canle habilitada en horario ampliado (caixeiros automáticos, internet, banca electrónica).

Tamén pode realizarse o pago na Sede Electrónica da Deputación, Portal do Contribuínte. Ou mediante xiro postal dende calquera oficina de Correos (Sociedad Estatal Correos y Telégrafos).

O pagamento dos citados tributos poderase domiciliar, para anos sucesivos, en caixas de aforros, bancos e demais entidades financeiras. Para este trámite será necesario cubrir o impreso de domiciliación que acompaña ao documento cobratorio  e remitilo ao Servizo de Xestión, Recadación e Inspección Tributaria, ou ben entregalo en calquera das entidades citadas, cando a domiciliación se refira a unha conta aberta nas mesmas.

lnfórmase tamén que, transcurrido o prazo de ingreso en período voluntario, as débedas faranse efectivas pola vía de constrinximento e serán esixibles as recargas do período executivo e os xuros de mora correspondentes, tal como estipulan os artigos 26 e 28 da Lei 58/2003, do 17 de decembro, xeral tributaria e, se é o caso, as custas que se produzan.

Información: Concello de As Nogais: 982364092

Servizo de recadación da Deputación Provincial de Lugo: 982242315

Galicia Sabe a_Mar vólvese a por en marcha! A campaña da Xunta de Galicia que trata de por en manifesto os produtos do mar e da terra de Galicia está de volta.

Esta campaña trátase de unha foodtruck que dará petisco gratuitos aos viandantes dos municipios galegos.