Mércores 13 Decembro 2017
Sábado, 24 Decembro 2016 12:37

Torre de Doncos

  • Tipo de ruta: Senderismo.
  • Municipio: As Nogais.
  • Parroquia: Doncos.
  • Distancia: 4 Km.
  • Duración: 1 h. 30 m. ida e volta.
  • Dificultad: Escasa.

Acceso ó núcleo de poboación:
Á altura do km. 443 da estrada N-VI, en dirección a Lugo.

Acceso dende o núcleo de poboación:
Non ten perda, só hai que atopar o túnel metálico que da acceso ó pobo e logo xirar á esquerda.

Esta ruta conta entre os seus atractivos o de poder coñecer algo mellor a historia dunha das fortificacións máis suxerentes de Galicia, a Torre de Doncos.

Ó se-lo percorrido desta ruta bastante reducido, convén deterse a estudiar tódolos seus aspectos.

Principia o percorrido no pobo de Doncos -que merece unha visita pausada- dende o túnel que da acceso ó mesmo. Sempre seguindo unha suave baixada, hai que tomar un desvío á dereita deica o muiño da Veiga, fermoso exemplar de arquitectura popular que segue a funcionar a carón do Navia.

Entre bosques de castiñeiros aparecerá de seguido a torre de Doncos, situada nun punto realmente estratéxico.

Este é o punto final da ruta. Dende aquí hai que voltar a desandar o andado deica á altura do muiño, onde se pode escoller entre dúas opcións: a primeira é regresar por onde se veu, a segunda, toma-lo desvío á dereita que conduce, có Navia sempre á esquerda, deica unha pequena ponte onde se retoma o camiño principal de volta.

Infraestructuras inmobiliarias:
Achegados ó pobo de Doncos atópanse dous mesóns para repoñer forzas, xa que ofrecen comidas típicas da zona e aloxamento.

Comentarios e observacións:
Atoparás ó longo desta ruta bós exemplares de castiñeiros, nogueiras, carballos, cereixeira silvestre, mazaira, endrinos, avelaneiras, salgueiros, piñeiras, albeiras e figueiras.

A flora máis representantiva está composta polos fentos, ortigas, madreselvas, lirios, fresal silvestre, nenúfares, ranúnculos, rosal silvestra, letella de auga e españada.

En canto á fauna, poden atoparse xabaríns, raposos, lobos, esquíos, corzos, diversos exemplares de aves e finísimas troitas no río Navia.

Visto 77 veces Modificado por última vez en Sábado, 11 Febreiro 2017 19:00
Máis nesta categoría: « Peña de Taras