Luns 23 Outubro 2017

Torre de ToresAs Nogais, no medio das montañas orientais de Lugo, linda con Pedrafita, Cervantes, Becerreá e Triacastela. A súa poboación ronda os 2.000 habitantes, distribuidos en nove parroquias.


A importancia que o Concello de As Nogais tivo ó longo da historia fica de manifesto nos vestixios do pasado que aínda se manteñen en pe. Unha boa mostra desto son as torres medievais de Doncos e Torés, que pola súa estratéxica situación definen o seu papel coma dous dos baluartes máis dificeis de tomar para acceder a Galicia.


O clima presenta outonos e invernos choivosos e veráns secos e suaves. O seu marco físico aparece definido por unha alternancia entre vales estreitos e profundamente encaixados, producidos pola incisión da rede fluvial, e sectores elevados, froito do rexuvenecemento das antigas estructuras. Así, os vales do río Navia e os seus afluíntes constitúen a parte máis baixa do territorio, con altitudes entre os 600 e os 500 metros sobre o nivel do mar. As alineacións montañosas, como o Rañadoiro e o Piornal superan os 1.300 metros de altura e son o límite natural con Pedrafita do Cebreiro.
A economía da zona é fundamentalmente agrícola e gandeira, nun nivel primario.