Luns 23 Outubro 2017
Sábado, 24 Decembro 2016 12:32

Noceda

  • Tipo de ruta: Senderismo, Cicloturismo, Ecuestre.
  • Municipio: As Nogais.
  • Parroquia: San Xoan de Noceda.
  • Distancia: 10 Km.
  • Duración: 3 h. 30 m.
  • Dificultad: alta.

Acceso ó núcleo de poboación:
Pola estrada N-VI hacia Madrid, á altura do km. 440 atópase o pobo de Noceda. Hai que pasar o núcleo que está a pe da estrada e tomar un desvío asfaltado que sae á dereita e baixar ata o resto do diseminado pobo de Noceda.

Acceso dende o núcleo de poboación:
A travesía principal do pobo ten unha curva pechada á esquerda e encamíñase hacia a saída do pobo. Aquí o camiño bifúrcase. Á dereita, unha pista asfaltada que leva a San Clodio, e á esquerda un carreiro deica o río Navia e unha revirada subida deica Silvela.

Descrición da ruta:
A ruta principia descendendo por un sendeiro tapizado de castiñeiros que conduce deica o río Navia, no que son abondosas as troitas. Logo de cruza-la ponte, a subida a Silvela é dura pero vése recompensada coa refrescante e cristalina auga da antiga fonte que hai á saída do pobo. No treito que nos separa do pequeno pobo de Pedriña, divísanse boas vistas panorámicas dos vales de As Nogais.

Esta aldea de Pedriña merece unha detida visita. Nela pódense atopar alguns exemplares de acivro, o único teixo centenario que se conserva no municipio e por suposto a palloza que aínda resiste ás inclemencias da altura e que é a única que existe en As Nogais.

A marcha ata As Fontes é moito máis relaxada, coa compaña dalgunhas pequenas fervenzas e dun contorno agradable. En As Fontes pódense adquirir productos elaborados na zona, como mel, queixo, velas, mantas trapeiras, etcétera.

A partires de aquí iníciase a baixada ata San Clodio, onde é preciso mencionar os muiños sobre o río Navia que ben merecen unha visita.

O treito final é a subida de novo ata Noceda, coincidndo có punto de partida.

Infraestructuras e mobiliario:
Pódese atopar aloxamento, manutención e adquirir productos da zona nos restaurantes de Noceda.

Pódense atopar soutos de castiñeiros, nogais, carballos, salgueiros, vidueiras, espiños, avelaneiras, acivro, teixos, piñeiras, etc.

A flora máis representativa compóñena xestas, brezos, fentos, ortigas, toxos, xeranio silvestre, trébol, xunqueixas, chaceiras, lirios.

En canto á fauna, salienta o raposo, xabarín, lobo, corzo, coello de monte e grande variedade de aves.

Comentarios e observacións
A ruta é de grande dificultade pero o trazado é bó. Súbese revirando de Noceda a Silvela. De Silvela a Pedriña a subida é máis pronunciada, sendo esta parte máis pedregosa e de menor atractivo. De Pedriña salienta a súa fonte, a roda de pedra para afiar utensilios e sobre todo os hórreos e a palloza que aínda se conserva e nas fins de semana pódese visitar.

De Pedriña deica As Fontes hai un paseo maravilloso, practicamente chan; os arredores de As Fontes son moi fermosos, pódense ver colmeas a pe do camiño. Dende As Fontes principia unha baixada progresiva deica a estrada que vai de Moral a Villarín. Aquí o problema é que se se quere voltar por San Clodio a Noceda, tomarase obrigatoriamente unha pista asfaltada con pendente moi pronunciada. En Moral, que é outra alternativa, salienta un bosque de castiñeiros moi bonito. Chegando a San Clodio, pódese ver un fabuloso muiño no cauce do Navia.

A ruta de cicloturismo non presenta dificultade ningunha, agás no primeiro treito, da saída do pobo de Noceda e o último de enlace coa N-VI (km. 437). Deberíase pensar en unir os albergues de Noceda e Ferreiras como se uniron os de Silvela e Noceda. O treito é agradable e a duración total de ida e volta non sobrepasa os 30/45 minutos. Posee boas vistas dos vales de Silvela, Pedriña, As Fontes e Moral.

Para enlazar os albergues de Noceda e Ferreiras pódese programar unha ruta de cicloturismo pola antiga N-VI. Son apenas 4 kilómetros dun albergue a outro.

A realización da ruta a cabalo é unha boa posibilidade a evaluar.

Alternativas á ruta son a visita a Moral (mel) e o seu bosque de castiñeiros e a visita a Villarín (mel)

Visto 18 veces Modificado por última vez en Sábado, 11 Febreiro 2017 19:01
Máis nesta categoría: « Ferreira de Bois Peña de Taras »