Mércores 13 Decembro 2017
Sábado, 24 Decembro 2016 12:25

Entre Ferreiras e Noceda

  • Tipo de ruta: Senderismo.
  • Municipio: As Nogais.
  • Parroquia: Noceda.
  • Aldea: Ferreiras.
  • Distancia: 8 Km.
  • Duración: 2 h. 30 m.
  • Dificultad: media.

Acceso ó núcleo de poboación:
No km. 436 da N-VI en dirección Lugo, hai que se desviar á dereita e tomar unha pista asfaltada cara arriba que da inicio ó pobo.

Acceso dende o núcleo de poboación:
Hai que percorre o pobo deica o final, onde se atopa unha fonta á dereita e tomar unha pista sen asfaltar que sube cara o antigo camiño real.

Descrición da ruta:
Esta ruta comeza dende o camiño que se atopa a carón do mesón de Ferreiras, para subir cara ó pobo, pasando á beira do Albergue. Ó saír do pobo déixase unha fonte á dereita do camiño.

Principia a subida deica ó antigo camiño que entrelaza Pedrafita con As Nogais, e unha vez alí hai que toma-la dirección da esquerda. Nesta punto atópase a altura máxima da ruta, e disfrútase de magníficas vistas panorámicas de conxunto do municipio, e mesmo do veciño pobo de Becerreá.

Nunha suave baixada, atravésase a pequena aldea de A Serra, obsérvanse bós exemplares de carballos e de piñeiras de repoboación.

Unha vez no pobo de Castelo hai que deixa-lo camiño principal para se internar nas súas casas poboadas de hórreos, para finalmente tomar un camiño que se adentra nun fermoso bosque de castiñeiros e que remata nun dos restaurantes do pobo de Noceda.

Infraestructuras e mobiliario:
Tanto en Ferreiras como en Noceda existen servicios de mantención e aloxamento.

Comentarios e observacións:
Na ruta atópanse bós exemplares de carballo, piñeiras de repoboación, castiñeiros e acivros.

A flora máis representativa está composta por vexetación de montaña como os fentos, as uces, ortigas, toxos, xestas, zarzas e algunha variedade de cogumelos.

Dependendo da época, é posible contemplar bós exemplares de xaberín, corzo, esquíos, perdices e numerosas aves rapaces. A ruta é moi interesante e non conleva demasiadas dificultades. Á subida principal lle segue unha zona chá e unha parte final en baixada, o que fai un paseo suave.

Posee boas zonas boscosas de gran fermosura.

Esta ruta pódese utilizar para enlazar os albergues de Ferreiras e Noceda.

Visto 37 veces Modificado por última vez en Sábado, 11 Febreiro 2017 19:01
Máis nesta categoría: « Casa da Chancia Ferreira de Bois »