Acceso ó núcleo de poboación:
No km. 447 da N-VI en dirección a Lugo, atópase As Nogais, nun desvío á dereita. No outro extremo do núcleo atópase a entrada para os que circulan cara a Madrid.

Acceso dende o núcleo de poboación:
Segundo se entra no pobo, xusto antes de cruza-la pequena ponte sobre o río Bois, hai un camiño á dereita, entre dúas casas, que é o que inicia a ruta.

Descrición da ruta:
A ruta que leva deica a Ferreiría de Bois é un claro expoñente dunha das antigas industrias existentes na comarca de Ancares: a do traballo do metal en pequenas ferreirías.

É unha ruta que parte de As Nogais e regresa de novo ata o mesmo pobo, aínda que se poden atopar algunhas variantes.

En continua pero non demasiado esixente subida, o camiño chega ata o bairro de Pandelo, que traversaremos. Cediño atoparemos as primeiras casas de O Couso, en Catelo, onde teremos que deixa-lo camiño principal para tomar un desvío á esquerda.

De seguido vadearemos un pequeno regueiro e atoparémonos inmersos nun bosque de piñeirais.

Preto xa, agárdanos o manantial das "Augas Rubias", chamado así pola cór das augas, das que se di que son medicinais.

En suave descenso encamiñarémonos deica a Ferreiría de Bois, entre numerosos acivros moi ben conservados.

A volta deica As Nogais conleva de novo o descenso ata o regato do Vao, para voltar a subir suavemente deica saír preto de Pandelo e xa, no último esforzo, baixar a As Nogais.

Infraestructuras e mobiliario:
Pódese atopar aloxamento e manutención, así como outros servicios complementarios, en As Nogais. Se se decida baixar ata Doncos ou Noceda, tamén hai restaurantes e habitacións onde poder descansar.

Comentarios e observacións:
Atópase esta ruta especialmente dotada de especies arbóreas ben representativas dos bosques galegos como os carballos, acivros, castiñeiros, piñeiras e vidueiras. Toxos, xestas, brezos e fentos completan o panorama.

O río Bois e o regato do Vao regan estes montes con gratitude.

Entre a fauna máis importante distínguense xabaríns, corxos, coellos de monte, perdiz vermella, esquíos, lebres, lobo, raposo, pita de monte e unha grande variedade de aves rapaces.

A ruta é esixente no seu primeiro tramo, a lama dificulta un pouco a marcha e na parte final altérnanse as subidas e as baixadas.

Ten grande interese paisaxístico.

Pasa polo mesmo AS Nogais.