Presentación do 2º capítulo da serie de cómic "La Espada de San Eufrasio, II. Tierra de Lobos" de Miguel Fernández
- Detalles
- Published: 2018-10-24
Xoves, 1 de novembro ás 18:00 h. Salón de actos do Centro Sociocultural de As Nogais.
Dentro da programación do Magosto 2018 teremos o pracer de presentar en primicia a segunda entrega "II. Tierra de Lobos" da serie de Cómic "La Espada de San Eufrasio", de Miguel Fernández, natural de Baralla e un dos máis reputados debuxantes de cómic galego. Visto o éxito do primeiro capítulo "I. La aldea maldita" desta serie que constará de nove entregas, "Tierra de lobos" non agarda ser menos polo que vos convidamos a asistir á presentación e firma de exemplares do mesmo.
MIGUEL FERNÁNDEZ, (Baralla, 1973). Estudou deseño gráfico na Escola de Artes Aplicadas Ramón Falcón, de Lugo, ademais de realización de audiovisuais na Escola Superior de Imaxe e Son CES (Madrid), e cinema de animación e debuxos animados na ECAM (Escola de Cinematografía e do Audiovisual da Comunidade de Madrid). Colaborou na realización da curtametraxe de animación en 2D Teatro máxico. Traballou para Animagic Studio nos filmes Los Tres Reyes Meigos, El Cid e Jester Till. O ano 2004 conseguiu o premio ao mellor cómic de xénero negro na sexta edición do Festival Internacional de Cinema Negre de Manresa (Fecinema), pola obra "Yo no trabajo gratis".
Publicou en 2010 a novela gráfica "Mamed Casanova: Ou fillo dá Furia" (con Manolo López Poy, en Demo Editorial), que sería traducida a castelán ao ano seguinte baixo o título "El Hijo de la ira" (Diábolo Edicines/Demo Editorial). En 2013, "Os días do cometa" foi unha nova colaboración dos dous autores, tamén en Demo Editorial, e en 2014 publicaron xuntos "A las cinco de la tarde" (Diábolo Ediciones, con versión en castelán, italiano e alemán). Como tándem creativo colaboraron tamén coa revista de fantasía Cthulhu (Diábolo Ediciones).
